માળીયામિંયાણાના વેજલપર ગામે ગોપાલ ઠાકોરની ૧૦ વર્ષની દિકરી અમ્રિતા ઠાકોરે ગણપતિ બાપ્પાની ઈકો ફ્રેન્ડલી મુર્તિ બનાવી સ્થાપના કરી
કાળી માટીમાંથી ઘરે જ બનાવી વિધ્નહર્તા ભગવાન ગણેશજીની મૂર્તિએ ભારે આકર્ષણ જમાવ્યું
માળીયામિંયાણાના વેજલપર ગામે ગોપાલ ઠાકોરની પુત્રી અમ્રિતા ઠાકોરે ગણપતિ બાપ્પાની ઈકો ફ્રેન્ડલી મુર્તિ બનાવી સ્થાપના કરી છે ૧૦ વર્ષની અમ્રિતા ઠાકોરે તળાવની કાળી માટીમાંથી ભગવાન ગણેશજીની ઈકો ફ્રેન્ડલી મૂર્તિ બનાવી હતી જેમાં રંગો પુરીને ભગવાન ગણપતિજીને નવો લુક આપ્યો હતો માત્ર એક કલાક જેટલા સમયમાં પર્યાવરણને નુકસાન ન કરે તેવી મુર્તિ બનાવીને આબેહુબ રૂપ આપી ફૂલોથી સુશોભિત સજાવટ કરીને ગણેશજીને બિરાજમાન કર્યા હતા ઈકો ફ્રેન્ડલી એટલે પર્યાવરણને નુકસાન ન કરે એવી ભગવાન ગણેશજીની મૂર્તિ જેને પાણીમાં વિસર્જન સમયે થોડી ક્ષણોમાં જ ઓગળી જાય છે અને પર્યાવરણને નુકસાન પણ નથી થતું હાલ બજારમાં પીઓપી કે પ્લાસ્ટર ઓફ પેરીસ કે પછી કોઈ કેમીકલના ભાગથી બનતી મુર્તિ પાણીમાં સરળતાથી ઓગળતી નથી અને પાણી અંદર રહેતા જીવોને પણ નુકસાન પહોંચાડે છે અને પાણીને પણ પ્રદુષિત કરે છે જેથી પર્યાવરણને નુકસાન કરે તેવી મુર્તિ લેવાને બદલે ઈકો ફ્રેન્ડલી ગણેશજીની મૂર્તિ બનાવી સમાજને પર્યાવરણ પ્રત્યે ૧૦ વર્ષની અમ્રિતા ઠાકોરે સુંદર સંદેશ પાઠવ્યો છે અમ્રિતા ઠાકોર ધો.૬માં અભ્યાસ કરે છે જેમને ચિત્રકલા કલાકૃતિઓ બનાવી જેવા શોખ ધરાવે છે ત્યારે હાલ ઠેરઠેર ગણેશ ચતુર્થીએ પંડાલોમાં ભગવાન ગણેશજીને બિરાજી સ્થાપના કરેલ છે અને ગામ હોય કે શહેર ગણપતિ બાપ્પા મોરિયાના નાદથી શેરી મહોલ્લા ગુંજી રહ્યા છે અને હાલ ગણપતિ ઉત્સવમાં શહેર ગામની ગલી ગલી ગણપતિ બાપ્પાના રંગે રંગાઈને વાતાવરણ ભક્તિમય બની ગયું છે ભક્તો સવાર સાંજ આરતીમાં જોડાઈને ગણપતિ બાપ્પાના આશિર્વાદ મેળવીને ધન્યતા અનુભવી રહ્યા છે
