નામદાર ગુજરાત હાઈકોર્ટની બેન્ચ રાજકોટને મળે તેવા હેતુથી મોરબી વકિલમંડળ કલેકટરને આવેદનપત્ર પાઠવશે
મોરબીમા તારીખ ૨૯-૦૭-૨૦૨૬ ના રોજ એક દિવસ પ્રતિક હડતાલ રાખી અરજન્ટ સીવાયની તમામ કોર્ટ કાર્યવાહીથી અલીપ્ત રહેવાનુ ઠરાવવામાં આવે છે તેમજ કલેકટર/ ડેપ્યુટી કલેકટર/મામલતદારશ્રીને હાઈકોર્ટ બેંચ રાજકોટને મળે તે અંગે આવેદન આપવાનું ઠરાવવામાં આવે છે. તેમજ તમામ કોર્ટના જજ સાહેબશ્રીઓને તેમની સમક્ષના પેન્ડીંગ કેસોમાં કેસની યથાવત પરીસ્થીતી જાળવી રાખવા તેમજ વકિલશ્રીઓની ગેરહાજરીમાં પક્ષકારોને નુકશાન ન થાય તેવા હુકમો ન ફરમાવવા વિનંતી છે
ગુજરાત હાઈકોર્ટની બેંચ મળવા માટે રાજકોટ બાર એસોસીએશનની આગેવાનીમાં તા.ર૫-૦૭-૨૦૨૬ ના રોજ સમગ્ર સૌરાષ્ટ્ર કચ્છના બાર એસોસીએશનની રાજકોટ ખાતે મીટીંગ બોલાવવામાં આવેલ. જેમાં સૌરાષ્ટ્ર કચ્છના અલગ અલગ જીલ્લા તથા તાલુકા કક્ષાએથી બાર એસોસીએશનના પ્રમુખ તથા સેક્રેટરીશ્રીઓ તેમજ હાઈકોર્ટ બેંચ કમીટીના સીનીયર એડવોકેટશ્રીઓ હાજર રહેલ. આ મીટીંગમાં હાજર તમામ પ્રતિનીધીઓના સુચનો ઘ્યાને લઈ સમગ્ર સૌરાષ્ટ્ર કચ્છમાં આવેલ તમામ કોર્ટો તા. : ૨૯-૦૭-૨૦૨૬ ના રોજ અરજન્ટ કાર્યવાહી સિવાયની કોર્ટ કાર્યવાહીથી અલીપ્ત રહેવાનુ અને એક દિવસ પ્રતિક હડતાલ રાખવાનુ ઠરાવવામાં આવેલ છે. તેમજ જીલ્લા તથા તાલુકા કક્ષાએ કલેકટર/ડેપ્યુટી કલેકટર/મામલતદાર શ્રી ને હાઈકોર્ટ બેંચ રાજકોટને મળે તે અંગે આવેદન આપવાનુ ઠરાવવામાં આવે છે
