માળીયા મિંયાણા તાલુકાના બગસરા ગામની ગૌચર અને ખરાબાની જમીન પર આડેધડ રસ્તા બનાવી મીઠાના ઓવરલોડ ડમ્પરોનો અને મીઠા ઉદ્યોગપતિના ત્રાસ વિરુદ્ધ કાર્યવાહી કરવા તંત્રને લેખિત રજૂઆત કરાઈ
જાણવા મળતી માહિતી અનુસાર માળીયા મિંયાણા તાલુકાના બગસરા ગામની ગૌચરની જમીન અને સરકારી પડતર ખરાબાની જમીન સર્વ નંબર ૧૬૯ પૈકી ૧૪ અને સર્વ નંબર ૫૬ અને સર્વ નંબર ૧૬૯ પૈકી ૧૭ વાળી જમીન આવેલી છે અને દરીયાકાંઠે મીઠાં ઉધોગપતિ દ્વારા પોતાના અંગત સ્વાર્થ માટે આવી જમીન પર કાચા મેટલ વાળા રસ્તા બનાવીને તેમના અથવા ભાડુતી ડમ્પરો બેફામ ચલાવી તેમજ તાલપત્રી વગર મીઠું ભરીને ચાલતા વાહનોથી સ્થાનિક ગામ લોકોના નાના વાહનોમાં કોઈ જાન હાની થશે તો જવાબદારી કોની ? તેવા સવાલો ઉભા થયા છે અને ખેડૂતો અને પશુપાલકોમાં ભારે રોષ ફેલાયો છે અને તે દિશામાં સાથાનિક તંત્રને આ વિશે અનેક લૈખિત રજૂઆતો કરી હતી પરંતુ કદાચ તંત્રના ખીસ્સા ગરમ કરાતા હોવાથી તંત્રની મીલીભગત જેથી હોય કોઈ કાર્યવાહી કરવામાં આવી નથી તેવી લોકચર્ચા જાગી છે જેથી ગ્રામ પંચાયતના સરપંચે એક વધુ રજુઆત કરી છે અમારા વિસ્તારમાં મીઠા ઉદ્યોગપતિઓ પોતાની મનમાની કરીને અને કોઈની પરવાનગી વગર ગમે ત્યાં અને તેમને મજા આવે ત્યાં રસ્તા બનાવીને ગામની ગૌચરની જમીન પર રસ્તા બનાવીને મોટાભાગની ખેતીની જમીન ક્ષારયુકત કરી રહ્યા છે અને ઠેર ઠેર પોતાના ભારે વાહનોથી મીઠું રસ્તા પર ઢોળતા જાઈ છે જેથી બગસરા ગામની સીમની મોટાભાગની ખેતીની જમીન બંજર બની ગઈ છે અને સ્વાસ્થ્ય માટે વાતાવરણ ધુળની ડમરી ભર્યું બની છે જેથી આ ગંભીર સમસ્યા અંગે ફરીથી જીલ્લા વહીવટી તંત્રને ગ્રામ પંચાયત દ્વારા લેખિત રજૂઆત કરવામાં આવી હતી
