રિપોર્ટ- અરબાઝ બુખારી મોરબી
ગુજરાત રાજયમાં અસામાજીક ગુંડા તત્વો વિરુધ્ધ શિક્ષાત્મક કાર્યવાહી કરવા અન્વયેના ૧૦૦ કલાકના એજન્ડા અન્વયે રાજકોટ રેન્જ વિસ્તારમાં કરવામાં આવેલ કામગીરી
ગુજરાત રાજ્યના પોલીસ મહાનિદેશક અને મુખ્ય પોલીસ અધિકારી સાહેબશ્રી, ગુજરાત રાજય ગાંધીનગરનાઓ દ્વારા ગુજરાત રાજ્યમાં કાયદો વ્યવસ્થા જળવાઇ રહે તેમજ લોકોમાં સુરક્ષા અને સલામતી અનુભવાય તથા સ્થાનિક પોલીસ તથા વહિવટી તંત્રના માધ્યમથી અસામાજીક ગુંડા તત્વો વિરૂધ્ધ શિક્ષાત્મક કાર્યવાહી થાય તે અન્વયે ૧૦૦ કલાકના એજન્ડા અન્વયે રાજકોટ રેન્જ હસ્તકના જિલ્લા વિસ્તારમાં રહેતા અસામાજીક ગુંડા તત્વોની યાદી તૈયાર કરવામાં આવેલ છે જેમાં કુલ – ૧૯૧૭ ઇસમોની યાદી તૈયાર કરવામાં આવેલ છે અને આવા અસામાજીક તત્વો વિરૂધ્ધ કાયદાકીય પગલા લેવા સુચના થઇ આવેલ હોય જે અન્વયે રાજકોટ રેન્જ વિસ્તારમાં કરવામાં આવેલ કામગીરી આ નીચે મુજબ છે.
રાજકોટ રેન્જ હસ્તકના પાંચ જિલ્લાઓમાં અસામાજીક ગુંડા તત્વો અનુસંધાને તૈયાર કરવામાં આવેલ યાદી પૈકી કુલ-૨૨૪ ઇસમો ઉપર અટકાયતી પગલાઓ લેવામાં આવેલ છે તેમજ GP Act-૧૩૫ ના ૪ કેસો કરવામાં આવેલ છે. રાજકોટ રેન્જ હસ્તકના પાંચ જિલ્લાઓમાં ગેરકાયદેસર ખાણ ખનીજ કરતા અસામાજીક ગુંડા તત્વો ઉપર કાર્યવાહી કરવા સારૂ કુલ ૬ ઇસમો વિરુધ્ધ ખાણ ખનીજ વિભાગ સાથે સંકલનમાં રહી કાયદેસરની કાર્યવાહી કરવામાં આવનાર છે રાજકોટ રેન્જ હસ્તકના પાંચ જિલ્લાઓમાં અસામાજીક ગુંડા તત્વો દ્રારા જો કોઇ ગેરકાયદેસર બાંધકામ કરવામાં આવેલ હોય તેવા અસામાજીક ગુંડા તત્વો ઉપર કાર્યવાહી કરવા સારૂ વહિવટી તંત્ર વિભાગો સાથે સંકલનમાં રહી કુલ ૯ ઇસમોના ગેરકાયદેસર બાંધકામ ઉપર કાયદેસરની કાર્યવાહી કરવામાં આવેલ છે.
રાજકોટ રેન્જ હસ્તકના પાંચ જિલ્લાઓમાં અસામાજીક ગુંડા તત્વો દ્રારા પોતાના રહેણાંક મકાનોમાં ગેરકાયદેસર વિજ જોડાણ કરી ચોરી કરવામાં આવતી હોય તેવા ઇસમો વિરુદ્ધ વિજળી વિભાગો સાથે સંકલનમાં રહી કુલ ૭૧ ઇસમોના રહેણાંક મકાન ઉપર ચેકીંગ દરમિયાન ૫૦ ઇસમોના વિજ કનેકશનમાં ગેરરીતી ઝડપાતા તેઓના વિજ કનેકશન કાપી રૂ.૨૫,૨૭,૪૨૧/- નો દંડ ફટકારવામા આવેલ છે. તેમજ ૮ ઇસમો વિરુધ્ધ ગુન્હાઓ દાખલ કરવામાં આવેલ છે તેમજ ૨ ઇસમો વિરુધ્ધ એન.સી.દાખલ કરવામાં આવેલ છે ઉપરોકત કામગીરી છેલ્લા ર(બે) દિવસની હોય અને આગામી સમયમાં પણ રાજકોટ રેન્જ હેઠળ ના જિલ્લઓમા આવા અસામાજીક ગુંડા તત્વો વિરુધ્ધ કાયદેસરની કાર્યવાહી ચાલુ રહેશે
