બોટાદના કળદા મુદ્દે ધરપકડ થયેલ ૮૪ ખેડૂતોમાંથી ત્રણ ખેડૂતો જામીન પર મુક્ત ગુજરાત હાઇકોર્ટએ ત્રણ ખેડૂતોને ચાર્જ શીટ પહેલા જામીન પર મુક્ત કરાવતા એડવોકેટ સાવન મોધરીયા
બોટાદ તાલુકાના હડદડ મુકામે ખેડૂતોને કપાસમાં કળદા મુદ્દે માર્કેટિંગ યાર્ડનો ઘેરાવ કર્યો હતો જેમાં મોટી સંખ્યામાં ખેડૂતો એકત્ર થતા અનેક રાજકીય આગેવાનો પણ ખેડૂતોના આ આંદોલનમાં સમર્થન જાહેર કરી ખેડૂતો સાથે ઉભા રહ્યા હતા પરંતુ હજારોની સંખ્યામાં ખેડૂતો એકત્ર થતા સ્થાનિક પોલીસે કેટલાક ખેડૂત આગેવાનો અને ખેડૂતોની અટકાયત શરૂ કરી હતી જે બાદ ખેડૂતો અને પોલીસ વચ્ચે રીતસરનું ઘર્ષણ સર્જાયું હતું જેમાં ખેડૂતોએ તોડફોડ અને પોલીસ પર પથ્થરમારો શરૂ કર્યો હતો આ તણાવ જેવો બનેલ બનાવના બે દિવસ બાદ સ્થિતિ તંત્રના કાબુમા આવી હતી. તેમજ બોટાદ પોલીસે કુલ ૮૪ ખેડૂતો વિરુધ ગુનો પણ નોંધાયો હતો ગુનો દાખલ થતા તમામ ખેડૂતોની એક બાદ એક ધરપકડ કરવામાં આવી હતી જેમાં 13 ઓક્ટોમ્બરના રોજ વિનુભાઈ મોહનભાઇ ધોરીયા, ઓઢાભાઈ હરજીભાઈ ધોરીયા તથા રાજેશભાઈ પુનાભાઈ ધોરીયા તમામ રહે: બોટાદ વાળાને પોલીસે ધરપકડ કરી કોર્ટમાં રજૂ કરતા પ્રથમ જામીન અરજી ડિસ્ટ્રિક્ટ એન્ડ સેશન્સ કોર્ટએ નામંજૂર કરી હતી જેથી તમામને ભાવનગર જેલમા મોકલી દેવામા આવ્યા હતા
આ ગંભીર બનાવમા આરોપીઓના સેશન્સ કોર્ટમાં જમીન રદ થતા ત્રણેય ખેડૂતો દ્વારા ગુજરાત હાઇકોર્ટના યુવા વકીલ શ્રીસાવન ડી. મોઘરીયા દ્વારા ધરપકડ કરેલ ત્રણ ખેડૂતોની ગુજરાત હાઇકોર્ટ ખાતે જામીન અરજી દાખલ કરી હતી જ્યારે નામદાર ગુજરાત હાઇકોર્ટના વકીલ સાવન ડી. મોઘરીયા દ્વારા પોતાની આગવી સૂઝબૂઝ અને ધારદાર દલીલોને ધ્યાને લઈ ધરપકડ થયેલ ત્રણ ખેડૂતોને ચાર્જ શીટ પહેલા જામીન પર મુક્ત કરવાનો હુકમ કર્યો હતો
