
માળીયા મિંયાણા હાઈવે પર ભીમસર ચોકડી પાસેથી ઈંગ્લિશ દારૂના જથ્થા સાથે એલ.સી.બી ટીમે એક શખ્સને દબોચ્યોં
મોરબીના હળવદના દેવળીયા ગામના વિજય પટેલનુ નામ ખુલતા ખળભળાટ મોરબી એલસીબી ટીમનો સપાટો
માળીયામિંયાણાના ભીમસર ચોકડી પાસે રોડ ઉપરથી રેતી ભરેલા ડમ્પરના ઠાઠામાં પતરા તથા તાલપત્રીની આડમાં છુપાવેલ ઈંગ્લિશ દારૂના ચપલા નંગ- ૪૩૨૦ તથા બે અલગ-અલગ બ્રાંડના બિયરના ટીન નંગ ૨૫૬૮રૂ.૫,૬૪, ૯૬૦ મળી કુલ ૧૦,૮૩,૩૬૦નો ઈંગ્લિશ બીયરનો જથ્થો મળી કુલ રૂ.૨૫,૯૩,૩૬૦ના મુદામાલ સાથે એક આરોપીને મોરબી એલસીબી ટીમે દબોચી ધોરણસરની કાર્યવાહી કરેલ છે મોરબી એલ.સી.બી. તથા પેરોલ ફર્લો સ્ટાફને ખાનગીરાહે બાતમી મળેલ કે હળવદ તરફથી માળીયા તરફ એક ડમ્પર નંબર જીજે-૩૬-વી-૫૦૦૩માં આવનાર છે જે ડમ્પરના પાછળના ઠાઠામા રેતી ઉપર પતરા અને તાલપત્રીની આડમાં ગે.કા ઈંગ્લિશ દારૂનો જથ્થો ભરેલ છે તેવી બાતમીના આધારે માળીયાના ભીમસર ચોકડી નજીક આવેલ ઓવર બ્રીજ પાસે સર્વીસ રોડ પાસે ડમ્પરની વોચમાં રહેલ દરમિયાન બાતમી વાળુ ડમ્પર નીકળતા તેને રોકી ચેક કરતા તેમાંથી ચપાલા નંગ ૪૩૨૦ રૂ.૫,૧૮,૪૦૦ તથા બે અલગ-અલગ બ્રાંડના બીયર નંગ ૨૫૬૮ રૂ.૫,૬૪,૯૬૦મળી કુલ ૧૦,૮૩,૩૬૦ મળી તથા અન્ય મુદામાલ કળી કુલ ૨૫,૯૩,૩૬૦ના મુદામાલ સાથે આરોપી ચુનીલાલ અમેદારામ હુડા રહે.ધુડાવા રાજસ્થાનવાળાને ઝડપી પાડી પુછપરછ કરતા અન્ય એક શખ્સ માલ મોકલનાર વિજય જેન્તીભાઇ પટેલ રહે.દેવળીયા તા.હળવદ જી.મોરબીવાળાનુ નામ ખુલતા બંને શખ્સો વિરુદ્ધ માળીયામિયાણા પોલીસ સ્ટેશન ખાતે પ્રોહીબીશન ધારા હેઠળ ગુનો નોંધાવી આગળની ધોરણસરની કાર્યવાહી કરેલ છે























