ગુજરાત હાઇકોર્ટના ચુકાદા મુજબ વેતન આપો સહિતની નવ જેટલી માગણીઓ બાબતે આંગણવાડી વર્કરો હેલ્પરોની સરકારને ખુલ્લી ચેતવણી
ગુજરાતના ૨૬ જીલ્લાની હજારો આંગણવાડી વર્કર અને હેલ્પર બહેનો અમદાવાદમાં ઉમટી પડી
માગણીઓ માટે બેઠક યોજાઈ સમાધાન ન થાય તો જબ્બર આંદોલનની જાહેરાત
સીઆઇટીયુ સંકલિત ગુજરાત આંગણવાડી કર્મચારી સંગઠન દ્વારા આજે સરકારના રોકવાના તમામ પ્રયત્નો છતા અને મંજૂરી આપવાનો ઇનકાર કર્યા છતાં ૨૬ જિલ્લામાંથી ૨૦.૦૦૦ થી વધુ આંગણવાડી વર્કરો અમદાવાદની શેરીઓમાં ઉતરી પડી હતી અને મેમ્કો સર્કલ પાસે આવેલ વીર સાવરકર રમત ગમત સંકુલના મેદાનમાં વિશાળ પડકાર રેલીનો કાર્યક્રમ યોજ્યો હતો આંગણવાડી વર્કરોનું ખુદ સરકાર દ્વારા શોષણ થતું હોય તે સામે જબ્બર રોષ વ્યક્ત કર્યો હતો. તથા ભારે સૂત્રોચાર કર્યા હતા
નામદાર ગુજરાત હાઇકોર્ટે ૨૦૨૪ ઓગસ્ટ મહિનામાં આંગણવાડી વર્કરની તરફેણમાં ચુકાદો આપ્યો હોવા છતાં સરકારે તેમાં અપીલ દાખલ કરી હતી અને તે અપીલમાં પણ ગુજરાત હાઇકોર્ટની બે ન્યાયમૂર્તિઓની બેંચે આંગણવાડી વર્કર તથા હેલ્પર નું વેતન તદ્દન નજીવો હોય ને તેઓને ચોથા વર્ગના કર્મચારીને મળતું લઘુતમ વેતન વર્કરને ૨૪.૮૦૦ તથા હેલ્પરને ૨૦.૩૦૦ વેતન આપવાનો સીધો જ આદેશ રાજ્ય સરકારને તારીખ ૧/૦૪/૨૦૨૫ ની અસરથી ચૂકવવા તારીખ ૨૦/૦૮/૨૦૨૫ ના રોજ કરેલ હોવા છતાં રાજ્ય સરકાર દ્વારા કોઈપણ પ્રકારની જાહેરાત ન કરાતા આંગણવાડી વર્કર અને હેલ્પર શેરીઓમાં ઉતરી પડી હતી
આ પ્રસંગે સી આઈ ટી યુ ના મહામંત્રી અને ગુજરાત આંગણવાડી કર્મચારી સંગઠનના પ્રમુખ અરુણ મહેતા, સીટુ ના પ્રમુખ સતિષભાઈ પરમાર, ગુજરાત આંગણવાડી કર્મચારી સંગઠનના મહામંત્રી કૈલાશબેન રોહિત દ્વારા પોતાના પ્રવચનમાં આંગણવાડી વર્કરના કરાતા શોષણ પ્રત્યે રોષ કર્યો હતો તથા આઇસીડીએસ યોજનાને ૫૦ વર્ષ પૂરા થયા હોય ને તેને મજબૂત કરવા માટે તમામ આંગણવાડી વર્કરો તથા સક્રિય ભૂમિકા ભજવશે તેવી જાહેરાત કરી હતી ઉપરાંતમાં આગેવાનોએ આ પડકાર સંમેલન દ્વારા ચેતવણી આપતા જણાવ્યું હતું કે છેલ્લા એક વર્ષથી આંગણવાડી વર્કર તથા હાઇકોર્ટના ચુકાદાનો અમલ કરો નિવૃત્તિ વય મર્યાદા 60 કરો બાળકોના કુપોષણના આહાર ના દરમાં વધારો કરો એક સમય બદલીની તક આપો આપેલા વચન મુજબ યુદ્ધના ધોરણે તાત્કાલિક મોબાઈલ આપો સહિતની માગણી માટે આંદોલન કરી રહી છે, ખુદ મુખ્યમંત્રી દ્વારા ૧૦ મી માર્ચે ગુજરાત આંગણવાડી કર્મચારી સંગઠનના પ્રતિનિધિ મંડળને પ્રશ્નોના ઉકેલની ખાતરી છતાં એક પણ માગણી નો ઉકેલ યોજાયો નથી તેમ જ મંત્રીશ્રી દ્વારા પણ કોઈ જ બેઠક યોજવામાં આવી નથી અને તે સંજોગો જોતા આ પડકાર રેલીમાં આગામી ૧ થી ૧૦ ડિસેમ્બર સુધી ઉપવાસ આંદોલન તથા ૧૦૦૦ બહેનોની ભુખહડતાલનો કાર્યક્રમ તેમજ જરૂર જણાય એ ગાંધીનગર ચક્કાજામનો કાર્યક્રમ યોજવાની જાહેરાત કરી હતી
આ રેલીને શ્રી અરુણ મહેતા સતિષભાઈ પરમાર કૈલાશબેન રોહિત ઉપરાંત આશા યુનિયનના મહામંત્રી અશોકભાઈ સોમપુરા સૌરાષ્ટ્ર ઝોન ના પ્રમુખ રંજનબેન સાંગાણી મહામંત્રી સંગીતાબેન દક્ષિણ ઝોનના પ્રમુખ રેખાબેન પાટીલ સહિતના આગેવાનોએ સંબોધન કર્યું સીઆઇટીયુના ગુજરાતમાં મંત્રી અરૂણભાઈ મહેતા તથા પ્રમુખ સતિષભાઈ પરમાર એ આંગણવાડી વર્કરની આ રેલી માટે રિવરફ્રન્ટ ના ૪૨ હજાર રૂપિયા ભર્યા હોવા છતાં સરકારની સૂચનાથી તે પ્લોટ પૈસા ભર્યા ને ચોથી દિવસે રદ કરવામાં આવ્યો હતો એટલું જ નહીં પરંતુ આ રેલી ન યોજાય તે માટે સરકારે યુનિયન દ્વારા શાસ્ત્રી સ્ટેડિયમ થી મેમકો ચાર રસ્તા ની રેલી માટે માગેલી પરવાનગી પણ ના મંજૂર કરી હતી જ્યારે રિવરફ્રન્ટમાં તારીખ ૧૦ મીના રોજ સરકારના ટેકેદાર સંગઠન ભારતીય મજદૂષણને પ્લોટ પણ ફાળવી અને પોલીસ મંજૂરી પણ આપેલ હતી સરકારના આ પગલા પ્રત્યે આંગણવાડી વર્કરોમાં ભારે રોડ ઉભો થયો છે અને ગુજરાત આંગણવાડી કર્મચારી સંગઠન ગુજરાત હાઇકોર્ટમાં પણ દાખલ કરશે.
