મોરબીમા ચેક રીટર્નના કેસમાં બમણી રકમ સાથે દંડ અને એક વર્ષની સજા ફટકારતી મોરબી નામદાર કોર્ટ
મોરબીના જોધપર નદી પાસે આવેલ શિવસેતુ પોલીપેક નામની ભાગીદારી પેઢીના ભાગીદાર શ્રી વત્સલભાઈ પ્રવિણભાઈ ઉપાધ્યાય, રહે. મોરબીવાળા પાસેથી સુરતના વન સ્ટોપ પ્રોપ્રાયટરી કન્સર્નના પ્રોપ્રાયટર પુજા વિશાલ ઉપાધ્યાયએ ઉધારમાં પીપી વુવન ફેબ્રીકસ (હાર્ડવેર પ્રોડકટસ) ની ખરીદી કરી, ખરીદ કરેલ માલની રકમ રૂા.૩૦,૦૯,૭૦૫-૦૦ ચૂકવવા ચેક આપેલ, જે ચેક રીટર્ન થતા, ફરીયાદી શ્રી વત્સલભાઈ ઉપાઘ્યાયએ, તેમના એડવોકેટ શ્રી ચિરાગભાઈ કારીઆ મારફત ચેક પરત ફર્યાની અને ચેકની રકમ વસુલ આપવા અંગેની નોટીસ આપવા છતા, આરોપી પુજા વિશાલ ઉપાધ્યાયએ, ફરીયાદીને નિયત સમયમાં ચેકની રકમ ન ચૂકવતા, ફરીયાદીએ, આરોપી પુજા વિશાલ ઉપાધ્યાય સામે ધી નેગોશીએબલ ઈન્સ્ટ્રુમેન્ટસ એકટનીકલમ ૧૩૮ અન્વયે ફોજદારી કેસ નાં. ૫૪૦૯/૨૦૨૨ થી દાખલ કરેલ. અને સદરહુ કેસ શ્રી મોરબીના મહે. એડિશનલ ચીફ જયુડીશિયલ મેજીસ્ટ્રેટ. ડી. કે. ચંદનાની સાહેબની કોર્ટમાં ચાલી જતા, અદાલતે આરોપીને તકસીરવાન ઠરાવી એક વર્ષની સાદી કેદની સજા, ચેકની રકમ માંહેથી બાકી રહેતી રકમ રૂા. ૧૮,૬૮,૭૦૫-૦૦ ની બમણી રકમ રૂા.૩૭,૩૭,૪૧૦-૦૦ નો દંડ તથા દંડની રકમ માંથી, ફરીયાદ તારીખથી ચુકવણી તારીખ સુધીના વાર્ષિક ૯% વાર્ષિક વ્યાજ સહિતની રકમ ચૂકવવાનો હુકમ ફરમાવેલ છે. ફરીયાદી વતી એડવોકેટ ચિરાગભાઈ દુષ્યંતભાઈ કારીઆ તથા રવિભાઈ કિશોરભાઈ કારીયા રોકાયેલ હતા.
