મોરબી કોર્ટના રાજ્ય સેવકની ફરજમાં રૂકાવટ કરી સરકારી રેકર્ડનો નાસ કર્યાની તાલુકા પોલીસ સ્ટેશને ફરીયાદ નોંધાઈ
મોરબીમા કોર્ટમા ફરજ બજાવતા બેલીફ પાસેથી જપ્તી વોરંટ ઝુટવી ફાડી નાખી ધમકી આપતા તાલુકા પોલીસ સ્ટેશને ગુન્હો નોંધાયો
મોરબી પ્રિન્સીપાલ સીનીયર સીવીલ કોર્ટમાં ફરજ બજાવતા ભગીરથભાઇ વીરજીભાઇ પાંચોટીયા જાતે પટેલ પોતે બેલીફની હેસીયતની મોરબી એડીશનલ સિવિલ કોર્ટ (ચુનૌતી સાહેબ)ના કોર્ટના દીવાની દરખાસ્ત નંબર-૨૦/૨૦૨૩ મુદત તારીખ:-૧૫/૦૬/૨૦૨૩ ના મિલકત જપ્તીના વોરંટની બજવણી અર્થે સાહેદો વાદીશ્રી કનકરાય બી.શેઠ તથા પંચશ્રી દેવભાઇ ભાવેશભાઇ શેઠ સાથે આરોપીની જાંબુડીયા ગામે આવેલ મેકસ ગ્રેનાઇટો કારખાનાની ઓફીસમાં બજવણી અર્થે જતા આરોપી સુખદેવભાઇએ ફરીયાદી રાજ્ય સેવક હોવાનું જાણતા હોવા છતા ઇરાદા પૂર્વક અપમાન જનક અપશબ્દો તેમજ ભુંડી ગાળો આપી ફરીયાદીને તેઓની રાજ્ય સેવક તરીકેની ફરજ બજાવતા રોકી ફરજમાં રૂકાવટ કરી ફરીયાદીના હાથમાંથી ઉપર મુજબનું અસલ વોરંટ ઝુંટવી ફાડી નાંખી કટકા કરી તેમની પાસે રાખી લઇ પરત નહીં આપી નામદાર કોર્ટમાં રજુ કરવાના થતા પુરાવા તરીકેના દસ્તાવેજ અસલ વોરંટ સરકારી રેકર્ડનો નાસ કરી ફરીયાદીનો કાઠલો પકડી ઝપાઝપી કરી ટાંટીયા ભાંગી નાંખવાની ગુન્હાહીત ધમકી આપી IPC કલમ-૧૮૬, ૨૨૮, ૩૩૨, ૩૫૩, ૧૮૭, ૨૦૪, ૫૦૬ મુજબની ફરીયાદ મોરબી તાલુકા પોલીસ મથકે નોંધાવેલ છે.
