મોરબી જિલ્લામાં મેઘરાજા મનમુકીને વરસ્યા શહેર પાણી પાણી ગ્રામ્ય વિસ્તારમાં જળબંબાકાર જેવી સ્થિતિ સર્જાઈ હતી
મોરબીનો મચ્છુ 3 ડેમ ૯૦ ટકા ભરાતા નીચાણવાળા વિસ્તારના ગામોને એલર્ટ કરાયા શહેરના રાજમાર્ગો પર વરસાદી પાણી ભરાયા હતા
મોરબી જિલ્લામાં મોઘેરા મેઘરાજાની પધરામણી થતા ભાદરવો ભરપુર જેવો તાલ સર્જાયો છે જેમાં મોરબી શહેર અને જિલ્લામાં રેડ એલર્ટ ઝોનમાં હોય તેવો જ વરસાદ ખાબકતા પાણી પાણી થઈ ગયા હતા જેમાં મોરબી શહેર અને માળીયા ટંકારા હળવદ સહીતના ગ્રામ્ય વિસ્તારમાં સારો વરસાદ પડતાં અનેક જગ્યાએ જળબંબાકાર જેવી સ્થિતિ સર્જાઈ હતી જયારે જિલ્લામાં આવેલ મચ્છુ-3 ડેમમાં ઉપરવાસમાં સારા વરસાદને પગલે પાણીની ભરપુર આવક થઇ રહી છે જેને પગલે ડેમની સપાટીમાં પણ વધારો જોવા મળ્યો છે ત્યારે 665 ક્યુસેક પાણીની આવક ચાલુ હોય હાલમાં મચ્છુ-3 ડેમ 90 ટકા ભરાઈ ગયો છે, જેથી રુલ લેવલ જાળવવા માટે ગમે ત્યારે ડેમમાંથી પાણી છોડવું પડે તેમ હોવાથી મચ્છુ-3 ડેમના હેઠવાસમાં આવતા વનાળીયા, ગોરખીજડીયા,સાદુળકા, માનસર, રવાપર(નદી), અમરનગર, ગુંગણ, નાગડાવાસ, બહાદુરગઢ,સોખડા,દેરાળા,મહેન્દ્રગઢ,મેઘપર,નવાગામ,રાસંગપર, વિરવિદરકા,ફતેપર, માળીયા અને હરિપરના લોકોને નદીના પટ્ટમાં અવરજવર નહીં કરવા ચેતવણી આપવામાં આવી છે તેમજ મોરબીનો મહાકાય મચ્છૂ બે ડેમ ૭૦ ટકા ભરાતા નિચાણવાળા વિસ્તારોને એલર્ટ કરાયા છે
