ધ્રાગધ્રા સોલડી ટોલગેટ પાસેથી કારપેટના રોલની આડમાં સંતાડી લઇ જવાતી ઇંગ્લીશ દારુની બોટલ તથા બીયર ટીન મળી કુલ નંગ ૯,૭૯૨ તથા ટ્રક, મોબાઇલફોન મળી કુલ રૂ.૨૮,૧૪,૯૯૪/- ના મુદ્દામાલ સાથે આરોપીઓને પકડી પાડતી રાજકોટ રેન્જ ટીમ
નાયબ પોલીસ મહાનિરીક્ષક શ્રી નિર્લિપ્ત રાય (IPS) રાજકોટ વિભાગ રાજકોટનાઓ દ્વારા રાજકોટ રેન્જ હસ્તકના જિલ્લાઓમાં ગેરકાયદેસર પ્રોહિબીશન તથા જુગારની પ્રવૃતિ કરનારા ઇસમોને શોધી કાઢી તેઓ વિરુધ્ધ કડક કાર્યવાહી કરવા સૂચના કરેલ હોય જે અન્વયે રાજકોટ રેન્જના પોલીસ ઇન્સપેક્ટર શ્રી અપૂર્વ પટેલ નાઓના માર્ગદર્શન મુજબ રાજકોટ રેન્જના *પોલીસ સબ ઇન્સપેક્ટર શ્રી.પી.એન.મોરી, શ્રી.બી.સી.મીયાત્રા, શ્રી.સી.એમ.કાંટેલીયા તથા સ્ટાફ દ્વારા આવા ઇસમોને શોધી કાઢવા જરૂરી ટેકનીકલ એનાલીસીસ, વર્કઆઉટ તથા હ્યુમનસોર્સનો ઉપયોગ કરી રહેલ હતા.
પો.સ.ઇ. શ્રી સી.એમ.કાંટેલીયા તથા સ્ટાફના ધર્મેન્દ્રસિહ વાઘેલા, રાજદિપસિહ ઝાલા, ફતેસંગ પરમાર, કાસમભાઇ બ્લોચ, ડ્રા.ધર્મેન્દ્રસિહ જાડેજા* નાઓ સુરેન્દ્રનગર વિસ્તારમાં પેટ્રોલીંગમાં હતા દરમ્યાન ધાંગધ્રા તાલુકાના સોલડી ટોલનાકા પાસે પહોંચતા ધર્મેન્દ્રસિહ, રાજદિપસિહ, ફતેસંગ નાઓને હકિકત મળેલ કે ટ્રક નં.HR-67-A-8964 નો ડ્રાઇવર ગેરકાયદેસર ભારતીય બનાવટનો ઇંગ્લીશ દારૂનો જથ્થો ભરી નિકળેલ છે જે હકિકત વાળો ટ્રક પસાર થતા તેને રોકી ચેક કરતા કારપેટના રોલની આડમાં સંતાડેલ ભારતીય બનાવટની ઇંગ્લીશ દારુની બોટલો તથા બીયરના ટીન મળી કુલ નંગ ૯,૭૯૨ કુલ કિ. રૂ.૧૩,૩૪,૭૨૪/- ની મળી આવતા આરોપી (૧) ડ્રાઇવર સંદિપકુમાર વિનોદકુમાર શાહુ રહે.ભોજાસર તા.ભાદરા જી.હનુમાનગઢ રાજસ્થાન (૨) ડ્રાઇવર/કલીનર રણવીરસિંગ મહેન્દ્રસિંગ ઘાયલ રહે.ચીડીયાગાંધી, તા.ભાદરા જી.હનુમાનગઢ રાજસ્થાન નાઓને ધોરણસર અટક કરેલ તેમજ ટ્રક, ઇંગલીશ દારૂ, મોબાઇલ ફોન તથા કારપેટ રોલ મળી કુલ રૂ.૨૮,૧૪,૯૯૪/- નો મુદ્દામાલ કબ્જે કરી ઉપરોકત બંન્ને આરોપીઓ તથા (૩) ટ્રક સોંપનાર મહેશ રહે. ભટ્ટ તા.જી.ફતેહાબાદ હરીયાણા (૪) ઇંગ્લીશ દારુનો જથ્થો મંગાવનાર (૫) ટ્રક રજી. નં- HR-67-A-8964 ના માલિક તથા તપાસમાં ખુલે તે તમામ વિરુધ્ધ ધાંગધ્રા તાલુકા પોલીસ સ્ટેશનખાતે ગુન્હો દાખલ કરાવેલ છે
